Афғонистон президенти толибларга муроса учун сўнгги имкон берди

Фото: РИА "Новости"

Афғонистон президенти Ашраф Ғани "Кобул жараёни" халқаро конференциясида "Толибон" радикал ҳаракати жангариларига муроса учун сўнгги имкон бераётганини айтди. Бу ҳақида AFP агентлигида хабар берилди.

"Биз тинчлик имконини тақдим этамиз, лекин бу таклиф вақт жиҳатидан чекланган. Бу сўнгги имкон, ундан фойдаланинг ёки унинг асоратларига тайёргарлик кўраверинг", - деди президент.

Ўтган йилнинг кузида Қатарда "Толибон" ҳаракати ва Афғонистон ҳукумати вакилларининг музокаралари ўтказилган эди. Уларнинг асосий мавзуси тинчликни қарор топтириш жараёни бўлган, лекин томонлар кун тартибининг бирорта пункти бўйича келиша олишмаган.