Дирар «Фенербаҳче» билан 3 йиллик шартнома имзолади

«Монако» жамоасининг собиқ ярим ҳимоячиси Набил Дирар расман «Фенербаҳче»га ўтди. Бу ҳақда клуб матбуот хизмати хабар қилмоқда. Куни кеча икки жамоа ўртасида принципиал келишувга эришилгани ҳақида хабар қилинган эди. 

31 ёшли марокашлик футболчи тиббий текширувларни муваффақиятли ўтган ва «3+1» шаклида шартномага имзо чеккан. Унинг молиявий томони ошкор этилмаяпти. Норасмий маълумотларга кўра, «Фенербаҳче» Дирар учун «Монако»га 4,5 млн евро пул тўлаган.

Набил Дирар «Монако»да 2012 йилдан тўп суриб келган. У Франция клуби учун 167 ўйинни ўтказган, 12та гол урган ва 33та голли узатмани амалга оширган.