Фото: AFP 2017 / Nazeer al-Khatib
Туркия президенти Ражаб Тоййиб Эрдўғаннинг «Известия» газетасига маълум қилишича, турк қўшинлари Сурия шимолида янги йирик амалиётни ўтказишга тайёр.
«Сурияда ҳозир салбий жараёнлар кетмоқда. Агарда бу бизнинг чегараларимизга таҳдид туғдирса, биз «Фирот қалқони» амалиётидаги каби хатти-ҳаракатни амалга оширамиз», - дея маълум қилди у.
Унинг сўзларига кўра, Туркия ўзининг назорат ҳудудига Манбиж ва Раққа шаҳарларини ҳам қўшишга тайёр. Бу у ерда курдлар давлати пайдо бўлишига йўл қўймаслик учун керак.
Бундан ташқари, Туркия президенти, Анқаранинг стратегик шериклари бўлган давлатлар курд ташкилотларидаги «террорчилар билан бирга ҳаракат қилишаётганидан» афсусда эканини билдирди.
