Тошкентлик қиз Marvel’нинг янги сериалида роль ижро этади

Тошкентда туғилган актриса Милана Вайнтруб Marvel’нинг «Янги жангчилар» сериалида роль ижро этади, деб хабар бермоқда The Hollywood Reporter. Шоу Freeform каналида эфирга узатилади.

Лойиҳа суперқаҳрамонларга бағишланган бўлиб, Вайнтруб Дорин Грин – қиз-олмахон образини яратади.

«Янги жангчилар» 10 қисмдан иборат бўлади. Уларда томошабинларга ўзларининг ўта кучли қобилиятларини бошқаришни ўрганувчи олти йигит-қиз ҳақида ҳикоя қилинади. 

Сериалда шунингдек Дерек Телер, Жереми Тарди, Келам Уорти, Мэттью Мой ва Кейт Комер ҳам суратга тушишади.

Сериал 2018 йилда тақдим этилиши кутилмоқда.