Эрдўған: ЕИ Туркиянинг вақтини кетказмоқда

Европа иттифоқи Туркия ҳамжамиятга қабул қилиниши мумкин эмас, деб маълум қилса, бу Туркия учун “тасалли берувчи” якунга айланади. Бу ҳақда мамлакат президенти Ражаб Тоййиб Эрдўған маълум қилган.

“Агарда ЕИ “Биз Туркияни Евроиттифоққа қабул қила олмаймиз” деб тўғридан-тўғри айтса, бу бизга тасалли беради. Шундан сўнг В ва С режаларга ўтамиз. ЕИ биз учун ўрнини ҳеч нарса боса олмайдиган ташкилот эмас”, - дея маълум қилди Эрдўған ВВС’га.

Туркия раҳбарининг таъкидлашича, Брюссель Анқарани ўз саммитларига таклиф этаётгани йўқ, ҳамда унинг давлати “вақтини бекорга кетказмоқда”.

Унинг қайд этишича, Туркия фуқароларининг аксарияти Евроиттифоққа киришни хоҳлашмаяпти, сабаби Брюсселнинг ёндашуви самимий эмас, деб ҳисоблашмоқда.