Шангҳайда бино қулади, қурбонлар бор

Хитойнинг Шангҳай шаҳридаги туманлардан бирида бино қулаб тушди. Бу ҳақда Shanghai Daily хабар бермоқда.

Хабарга кўра, ҳодиса 21 июль куни кундузги вақтларда рўй берган.

Нашр маълумотига қараганда, аввал банк бўлинмаси жойлашган уч қаватли бино бузиб ташланиш арафасида бўлган.

Таъкидланишича, қутқарувчилар вайроналар остидан олти кишини чиқариб олишган, улардан беш нафари шифохонада олинган жароҳатлар туфайли вафот этди.

Айни вақтда ҳодисага нима сабаб бўлгани аниқлаштирилмоқда.