Тошкент вилоятида гиёҳванд моддаларни сотаётганлар қўлга олинди

17 июль куни Чирчиқ шаҳрида ўтказилган тезкор тадбир давомида шаҳардаги АЁҚШлардан бирининг олдида вақтинча ишсиз И.Х. 471,5 гр. «марихуана» гиёҳванд моддасини вақтинча ишсиз А.Х.га 400 минг сўм эвазига сотаётган вақтида ушланди. 

Бекобод шаҳрида ўтказилган шу каби тезкор тадбир давомида шу шаҳарда истиқомат қилувчи, вақтинча ишсиз С.К. 12-даҳа ҳудудида 20,4 гр. «марихуана» гиёҳванд моддасини 50.000 сўм пул эвазига вақтинча ишсиз В.К.га сотаётган вақтида аниқланиб, ушланган. Унинг уйи гумонланиб текширилганда яна 45,2 грамм гиёҳванд модда далилий ашё сифатида олинган.

Тошкент вилояти ИИБ матбуот хизмати хабар қилишича, юқоридаги икки ҳолат юзасидан Ўзбекистон Республикаси Жиноят Кодексининг тегишли моддалари жиноят ишлари қўзғатилган.