Саакашвили Порошенко билан муносабатларидаги энг катта хатоси ҳақида гапирди

Одесса вилоятининг собиқ губернатори Михаил Саакашвили Украина президенти Пётр Порошенко билан биргаликда ишлаш чоғида йўл қўйган энг катта хатосини маълум қилди.

«Мен йўл қўйган энг катта хато шундан иборат эдики, мен аввалдан Порошенконинг мақсадини нотўғри тушундим. Унда эса бу оддий нарса эди – маблағ ишлаб топиш», - дея маълум қилди Саакашвили «Украинская правда»га берган интервьюсида.

Унинг сўзларига кўра, Порошенко иш жойидаги кўп вақтини бизнес билан боғлиқ масалаларни ҳал этишга сарфлайди.

Аввалроқ Саакашвили Украина фуқаролигидан нега маҳрум этилгани маълум қилинганди.