«Барселона»нинг собиқ президенти Жоан Лапорта жамоанинг ҳозирги раҳбариятини танқид қилди. Бунга ҳужумчи Неймарнинг «ПСЖ»га 222 млн евро эвазига трансфер қилинаётгани сабаб бўлган.
«Неймарнинг кетиши – раҳбарият ўз ишини тушунмаслигига яна бир исбот. Жамоада молиявий муаммолар ҳам, ҳамда уларга ҳеч ким буни пайқамаслиги учун ушбу трансфер зарур», - дея ёзди Лапорта «Твиттер»да.
Аввалроқ «Барселона» бразилиялик ўйинчи клубни тарк этиши ҳақида хабардор қилгани ҳақида расман маълум қилди. Кутилишича, у «ПСЖ» билан ушбу ҳафтадаёқ шартнома имзолайди.
