Озарбойжонда кучли портлаш содир бўлди, қурбонлар бор

фото: trend.az

Озарбойжоннинг Сумгайит шаҳридаги 8-микротуманда жойлашган ётоқхонада портлаш содир бўлди. Бокунинг Trend ахборот агентлигининг маълум қилишича, портлаш оқибатида одамлар ҳалок бўлган ва ўнлаб одамлар жароҳат олган.

Гувоҳларнинг айтишича, бинонинг 3-қаватида кучли портлаш овози эшитилган, шундан кейин бинони ёнғин қамраб олган. Воқеа жойига фавқулодда вазиятлар вазирлиги ходимлари етиб келишган.

Айни вақтда ўндан кўпроқ одам тутун туфайли ис гази билан заҳарлангани маълум, улар шифохоналарга етказилганлар. Жароҳатланганлар орасида қутқарувчилар ҳам бор, улар айни вақтда ёнғин билан курашмоқдалар. Ҳозирча ёнғинни тўхтатишнинг иложи бўлмаяпти.

Қурбонлар борлиги маълум қилинган, бироқ уларнинг аниқ сони маълум қилинмаган. Воқеа сабаби ҳозирча ўрнатилмаган.