Ибраҳимович: Лукакуга 9-рақамни олишига шахсан рухсат бердим

«Манчестер Юнайтед» билан бир йиллик шартномани имзолаган ҳужумчи Златан Ибраҳимовичнинг айтишича, манкунианликларнинг бошқа форварди Ромела Лукакуга 9-рақамли футболкани мавсум бошида олишга шахсан рухсат берган. Ўтган мавсумда шу рақам остида ҳаракат қилган Ибраҳимович эса ўзига 10-рақамни олди.

«Лукаку мавсум бошида менга қўнғироқ қилди ва 9-рақамни олмоқчи эканини айтди. Мен унга бунга қарши эмаслигимни айтдим, ҳамда янги жамоада катта муваффақиятларга эришишини тиладим. Бироқ менда 10-рақам бор, шунинг учун ҳеч нарсани йўқотмадим», - дея Ибраҳимовичнинг сўзларини келтиради ESPN.