Европа Иттифоқи НАТОсиз кун кўра олмайди, деб ҳисоблайди альянс бош котиби Йенс Столтенберг.
«НАТО дунёдаги энг кучли ҳарбий альянс ҳисобланади, сабаби у катта босиб туриш кучига эга. Бу куч Вашингтон келишувининг 5-моддасига асосланган. Унга кўра, бир иттифоқчига ҳужум қилиш бутун НАТОга ҳужум қилиш каби қабул қилинади», - дея маълум қилди у Rzeczpospolita’га берган интервьюсида.
Столтенберг Евроиттифоқнинг мудофаа сиёсати ҳақидаги саволга жавоб қайтарар экан, рақобатдан қочиш лозимлигини таъкидлаб ўтган.
«Биз кўпроқ Европа кучлари, замонавий имкониятлар, мудофаага йирикроқ харажатларни хоҳлаймиз», - дея қўшимча қилиб ўтди бош котиб.
Унинг сўзларига кўра, «Европа НАТОсиз ҳам яшаши мумкин экани ҳақидаги сафсаталардан» қочиш лозим.
«Сабаби НАТО коллектив мудофаанинг кафолатчиси – ҳамда Европанинг унга эҳтиёжи бор», - дея хулоса қилди альянс раҳбари.
Аввалроқ НАТО бош котиби кортежи Польшада йўл-транспорт ҳодисасига учрагани хабар қилинганди.