Спам-бот 700 млн электрон манзил ва махфий сўзларни тармоққа жойлаштирди

Нидерландиядаги серверлардан бирида Onliner Spambot спам-боти топилди, у 700 млн электрон почта манзили ва уларга махфий сўзларни бирлаштирган базага эга. Бу ҳақда International Business Times хабар бермоқда.

Ахборот хавфсизлиги бўйича мутахассис Трой Хантнинг фикрича, бу тарихдаги энг йирик маълумот сизиб чиқишидир. «Кўламни тушуниш учун, тасаввур қилиб кўринг, бу Европада яшовчи барча эркаклар, аёллар ва болаларнинг электрон қутиларидир», - дея маълум қилди Хант.

Экспертлар почтада тегишли маълумотлар бор эканини Have I been Pwned сайтида текшириб кўриш ва ижобий жавоб бўладиган бўлса, махфий сўзни алмаштиришни тавсия этишган.

Аввалроқ Google миллионлаб смартфонларни тўлдирилган реаллик билан таъминлаши хабар қилинганди.