Павел Дуров Apple ва Google'га ўз давлатларини яратиш ғоясини берди

«ВКонтакте» ижтимоий тармоғи ва Telegram мессенжери асосчиси Павел Дуров Американинг Apple ва Google технологик гигантлари АҚШга тобеъ бўлмаслик учун ўз давлатларини яратишларига умид билдирди. Ишбилармон ўзининг Telegram-каналида шу ҳақида маълум қилди. 

"Бир кун келиб Apple ва Google каби улкан компаниялар уларнинг асосчилари миссиясига ҳам таъсир ўтказиши мумкин бўлган ҳар қандай ҳукуматдан мустақил бўла олишини хоҳлардим. Эҳтимол, улар ўз давлатларини барпо этиши керакдир", - деб ёзади Павел Дуров.

Шунингдек, Дуров Федерал разведка бюросининг у ва Telegram'нинг бошқа ишлаб чиқарувчилари фаолиятига аралашишга бўлган уринишларини ёдга олди. Унинг фикрича, айнан Америка фуқаролигини олмаганлиги туфайли у АҚШ махсус хизматлари билан ҳамкорликдан воз кечишга муваффақ бўлган.