Британия парламентининг Умумпалатаси ЕИ қонунларини бекор қилишни назарда тутувчи қонун лойиҳасини қабул қилди, деб хабар қилмоқда Reuters агентлиги.
Мухолифатдаги лейбористлар партияси қонунни қабул қилишга қарши чиқди, аммо ҳукмрон консерваторлар партияси устунликка эга бўлди.
«Бекор қилиш тўғрисидаги қонун»ни 326 депутат маъқуллаган, 290 нафари қарши чиққан. Овоз бериш натижаси ҳужжатни кўриб чиқишни давом эттиришга имкон беради.
Аввалроқ, Буюк Британия Brexit амалга ошгач ЕИ билан ҳамкорликни давом эттириши хабар қилинган эди.