Жанубий Корея КХДРга 8 млн доллар ўтказиб бермоқчи

Жанубий Корея ҳукумати КХДРга инсонпарварлик ёрдами сифатида 8 млн долларни юбориш имкониятини кўриб чиқмоқда. Бу ҳақда «Рёнхап» мамлакатни бирлаштириш вазирлигига таяниб маълум қилди.

Аниқлик киритилишича, маблағни халқаро ташкилотлар орқали ўтказиб бериш режалаштирилган.

«Давлатнинг позицияси шундан иборатки, Шимолий Кореядаги ижтимоий ҳимояланмаган фуқароларга инсонпарварлик ёрдамини кўрсатиш, сиёсий нуқтаи назардан фарқли равишда давом эттирилиши лозим», - дея маълум қилди Жанубий Корея вазирлигидаги амалдор.

Айни пайтда мамлакат ҳукумати ёрдамни кўрсатиш деталлари ва етказиб бериш муддатларини аниқлаштириб олиш ниятида.

Аввалроқ, Америка разведкаси КХДРда янги ракета синовига тайёргарлик кетаётганини аниқлагани хабар қилинганди.