«Барселона» Каталониядаги намойишларга қўшилади

Фото: AFP

«Барселона» Каталония халқининг озодлик йўлида уюштирадиган намойишларига қўшилади. Бу ҳақда клуб расмий твиттери хабар тарқатган.

3 октябрь куни ташкил этилиши режалаштирилаётган намойишларда иштирок этиши кутилаётган клуб эртага фаолият олиб бормаслигини билдирган.

«Барселона» футбол клуби умуммиллий намойишларни қўллаб-қувватлайди ва уларда иштирок этади. Шу сабабдан клуб эртага бутунлай ёпилади. Бирорта жамоа, ҳаттоки ёшлар жамоаси ҳам эртага машғулотларда иштирок этмайди», - дейилади клуб баёнотида.

Якшанба куни Каталонияда Испаниядан ажралиб мустақил бўлишни ёқлаш мақсадида референдум ўтказилди. Испания Конституцион суди эса бу жараённи ноқонуний деб топиб, референдумнинг ҳар қандай натижасини тан олмаслигини билдирганди. Каталония ҳукумати берган маълумотга кўра, референдумда овоз берувчиларнинг 90 фоизи иштирок этган. Кейинроқ Каталония пойтахти Барселона марказида Каталония жамоат миллий ташкилоти 3 октябрь куни Каталония кўчалари бўйлаб норозилик намойишлари ўтказиши ҳақида эълон қилганди.

Тайёрлаган Азиз Қаршиев

#Барселона #референдум #Каталония

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.