Афғонистонда ҳаво ҳужуми натижасида ИШИД жангарилари йўқ қилинди

Афғонистонда ИШИДнинг камида 20 нафар жангариси авиазарба натижасида йўқ қилинди. Бу ҳақда «Синьхуа» агентлиги Кунар вилояти полицияси раҳбари Жума Ҳиматга асосан хабар тарқатди.

«Учувчисиз бошқариладиган қурилма ИШИД жангарилари гуруҳига Чавкай туманида пайшанба куни авиазарба берди, ҳодиса оқибатида камида 20 киши йўқ қилинди», - дея айтиб ўтган Ҳимат.

Аввалроқ Суриянинг ИШИД томонидан эгаллаб олинган ва маъмурий марказ деб эълон қилинган Раққа шаҳри бутунлай эстремистлардан озод қилингани хабар берилганди.