Бишкекда қурилаётган бино қулади, жабрланганлар бор

Фото: 24.kg

Қирғизистон пойтахти Бишкекда қурилаётган бинонинг бир қисми қулаши оқибатида 10дан ортиқ инсон жабрланди, деб хабар қилмоқда Спутник Қирғизистон агентлиги республика Фавқулодда вазиятлар вазирлиги матбуот хизматига асосан.

"Бишкекда қурилаётган бинонинг бир қисми қулаши оқибатида ўн бир киши жабрланди. Бинонинг иккинчи қавати монолити қулаб тушган", - дейилади хабарда.

Агентликнинг аниқлик киритишича, жабрланганлардан икки нафари оғир аҳволда шифохонага олиб кетилган, қолганлар шифокор кўригидан ўтказилган.