Ксения Собчак президент бўлиш имкониятларини баҳолади

Россиялик телебошловчи Ксения Собчак Россия президенти бўлиш имкониятларини баҳолади. Собчакнинг фикрича, унинг 2018 йилги президентлик сайловларида ғалаба қозониш имконияти «энг кам даражадан ҳам паст»дир, деб хабар қилмоқда BBC.
 
«Мен ушбу сайловлардаги имкониятларимга реал қарайман. Мен президент бўлиш имкониятим энг паст даражадан ҳам паст эканини тушунаман. Аммо вазиятни ўзгартириб юбориши мумкин бўлган сайловлар концепцияси бор. Бунга эса мисоллар кўп», — деган телебошловчи. 

Собчак фикрига мисол тариқасида Чилидаги референдумни келтирган. Ўшанда Аугусто Пиночет ҳокимиятда кучини йўқотган эди. Унинг қайд этишича, Россиядаги президентлик сайловлари ўзига хос «Путинга ишонч билдириш референдуми бўлишини» хоҳлашини айтди.