Рафаэль Надаль мавсумни биринчи рақамли теннисчи сифатида якунлайди

Фото: Getty Images

Рафаэль Надаль мавсум натижаларига кўра эркак теннисчилар ўртасида ўзига 1-ўринни таъминлаб қўйди. Бу эса испаниялик Париждаги "Мастерс" мусобақасининг 2-даврасида кореялик Хён Чонни мағлуб этгандан кейин мумкин бўлди. Учрашув 7:5, 6:3 ҳисоби билан якунланган.

Рафа ўйин давмида 3 та эйс, 8 та брейк-пойнтдан 4 тасини амалга оширган, 2 марта иккилик хатога йўл қўйган. Теннисчилар ўртасидаги шахсий ҳисоб эса 2:0 кўринишини олди.

Надаль фаолиятида 4-маротаба мавсумни биринчи рақамли теннисчи сифатида якунлайди.

У "Мастерс"нинг 3-даврасида уругвайлик Пабло Куэвас билан беллашади.

Рафа жорий мавсумда ATP’нинг 6 та мусобақасида ғолиблик нашидасини сурди.