Хитойлик аёл юк машинаси остида ҳалок бўлишдан аранг қутулиб қолди (видео)

Хитойнинг Чунцин вилоятида яшовчи аёл юк машинаси остида ҳалок бўлишдан аранг қутулиб қолди.

Воқеа 28 ноябрда юз берган ва бошқа бир автомобиль видеорегистратори томондан қайд қилинган. Видеода кўринишича, аёл йўлни югуриб ўтмоқчи бўлганда, сирпаниб кетиб тўғридан келаётган юк машинасининг олд ва орқа ўқлари ўртасига кириб кетган.

Тан бериш керакки, ҳайдовчи ҳам сергаклик қилиб, вақтида тормозни босишга улгурган. Сўнгра машинадан отилиб чиқиб, аёлга ёрдамга ошиққан. Воқеа гувоҳлари ҳам бир чеккада туришмаган ва жабрланувчига кўмак кўрсатишган. Маълумотларга кўра, аёл жиддий жароҳат олмаган.