Франциялик машҳур қўшиқчи Жонни Ҳоллидей вафот этди

Франциялик таниқли рок-ижрочи ва актёр Жонни Ҳоллидей 75 ёшида ҳаётдан кўз юмди. Мусиқачи вафот этгани ҳақида унинг рафиқаси Летиция хабар берган, деб ёзмоқда Huffington Post.

«Жонни Ҳоллидей оламдан ўтди, мен бу сўзларни ўз кўзларимга ишонмай ёзмоқдаман, бироқ бу рост, менинг турмуш ўртоғим ҳаётдан кўз юмди, у кеча кечқурун бизни тарк этди. У мардлик ва ўз обрўсини сақлаган ҳолда ҳаёт кечирди», - дейилади аёлнинг баёнотида.

Март ойида хонанда Жонни Ҳоллидей саратондан даволанаётгани ҳақида хабарлар тарқалганди.

Ҳоллидей – Франциянинг энг машҳур артистларидан бири эди, уни «Франциянинг Элвиси» деб ҳам аташарди. У 110 миллиондан ортиқ ёзувларини сотган, 18 та платинали альбомга эгалик қилган.