Флоридада юк машинаси мактаб автобусига тўқнашиб кетди

Фото: Abcactionnews

Американинг Флорида штатида юк машинасининг мактаб автобусига тўқнашиб кетиши оқибатида 22 киши жабрланди. Бу ҳақда ABC телеканали йўл-полициясига асосланган ҳолда хабар қилмоқда.

Қайд этилишича, жабрланганларнинг барчаси шифохонага ётқизилган. Мактаб ўқувчиларининг икки нафари оғир жароҳатлар олган, қолганлар тиббий кўрикдан сўнг уйларига жавоб берилган.

Маълум бўлишича, автофалокат вақтида автобус ичида 39 ўқувчи бўлган.

Телеканал хабарига кўра, автобус мактаб ўқувчилари учун тўхтаган вақтда унинг ортида келаётган юк машинаси ҳайдовчиси автобуснинг тўхтаганини сезмай қолган ва унга келиб урилган.