Ўзгаришлар бошланди. Жээнбеков Хавфсизлик кенгаши раҳбарини ишдан бўшатди

Фото: РИА "Новости"

Қирғизистон президенти Сооронбай Жээнбеков мамлакат Хавфсизлик кенгаши раҳбари Алмазбек Курманалиевни ишдан бўшатди. Бу ҳақда давлат раҳбари сайтида хабар берилган.

«Қирғизистон Республикаси президенти Сооронбай Жээнбеков тегишли фармонни имзолади, унга кўра Курманалиев Алмазбек Абдиназарович Қирғизистон Республикаси Хавфсизлик кенгаши котиби лавозимидан тақдим этган аризасига мувофиқ озод этилди», - дейилади хабарда.

Эслатиб ўтамиз, аввалроқ Қирғизистон президентига ёрдамчи ва маслаҳатчи тайинлангани хабар қилинганди.