Фото: Газета.Ru
Telegram мессенжери ишида яна носозликлар рўй берди. Бундан интернет-ресурслар фаолиятини кузатиб борувчи Downdetector портали маълумотлари дарак бермоқда.
Фойдаланувчиларнинг хабарларига кўра, фотосуратларни юклаш жуда ҳам секинлашган.
Россияда Москва, Санкт-Петербург, Воронеж, Қозон, Самара, Перьм, Новосибирск, Томск, Красноярскдан бўлган фойдаланувчиларда муаммолар кузатилган.
Шунингдек Ўзбекистон, Украина, Беларусь, Германия, Италия, Франция, Испания, Голландия, Австрия, Эрон, Покистон ва бошқа давлатларда ҳам носозликлар кузатилган.
Мессенжер ишида аввалги узилиш 18 декабрь куни кузатилганди. Ўшанда Telegram асосчиси Павел Дуров уни фойдаланувчиларнинг сони ортиб кетгани билан изоҳлаганди.
