Петербургдаги портлаш учун жавобгарликни ИШИД ўз зиммасига олди

Фото: РБК

ИШИД террорчилик гуруҳи Санкт-Петербургдаги супермаркетда содир бўлган портлаш учун жавобгарликни ўз зиммасига олди. Бу ҳақда экстремистларнинг ахборот фаоллигини кузатувчи SITE сайти маълум қилди.

Санкт-Петербургдаги терактда жабрланганлар сони 18 кишигача ошди. Террорчилик гуруҳининг маълум қилишича, ҳужумни ИШИД аъзолари амалга оширган.

27 декабрда Петербургдаги “Перекрёсток” супермаркетида жароҳатловчи элементлар билан тўлдирилган қўлбола портловчи қурилма портлатилган. Жароҳатланганлардан 8 нафари шифохоналарда қолмоқда.

Ушбу ҳужум юзасидан бир неча кишининг ҳаётига суиқасд қилиш моддаси бўйича жиноий иш қўзғатилган. Эҳтимолий гумонланувчи кузатув камералари томондан қайд қилинган. Россия президенти Владимир Путин портлашни теракт деб атаган.