«Бундай бўлмаган!» - Трамп ўз сўзларини яна тан олмади

Фото: Carlos Barria/Reuters

АҚШ президенти Дональд Трамп сенатор Ричард Дербиннинг баёнотини рад этиб чиқди. Унга кўра, Қўшма Штатлар етакчиси Ҳаити, Сальвадор ва Африка мамлакатларини «қўланса давлатлар» деб атаган. Бу ҳақда Трамп твиттердаги саҳифасида ёзди.

«Сенатор Дики Дербин DACA (мигрантларнинг фарзандлари учун муддати кечиктирилган депортация дастури) бўйича йиғилишда айтилган нарсани бутунлай нотўғри талқин қилди. Битимни ишонч бўлмаса, имзолаб бўлмайди!» - дея таъкидлаб ўтди Трамп.

Аввалроқ, Дербин Трамп қатор давлатларга нисбатан ҳақоратомуз сўзлар ишлатиб, «нафратга тўла» ва «ирқчилик» тилини қўллаганини тасдиқлаган эди.

Эслатиб ўтамиз, 12 январь куни АҚШ президенти Дональд Трамп қонун чиқарувчилар билан учрашув давомида баъзи мамлакатлардан Қўшма Штатларга келаётган мигрантларни «қўланса жойдан» чиқиб келганлар, деб атагани хабар қилинганди.