Шимолий Корея раҳбарияти ҳаракатларига қарамай, АҚШ, Россия ва Хитой ҳукумати КХДР ядро муаммоси бўйича ўз позициясига содиқ қолади. Бу ҳақда Қўшма Штатлар давлат котиби Рекс Тиллерсон маълум қилди, деб хабар бермоқда Reuters.
«Бир сиёсат ва бир мақсад бор – бу Корея ярим оролини тўлиқ, назорат қилинувчи ҳамда ортга қайтариб бўлмас ядро қуролидан холи ҳудудга айлантириш. Бизнинг минтақадаги бошқа давлатлар, айниқса, Россия ва Хитой билан бирдамлигимиз ҳамда умумий мақсадларимиз ўзгаришсиз қолади. Бу Шимолий Кореянинг бизни ажратиш ҳамда орага нифоқ солиш бўйича кўплаб уринишларига қарамай, юз беради», - дея айтиб ўтди Тиллерсон.
Шунингдек, унинг таъкидлашича, айни дамда ҳарбий фаолият КХДРга нисбатан санкциялар имплементацияси учун деярли талаб этилмайди.
