Туркияда FETÖ’нинг 320 тарафдорига умрбод қамоқ жазоси берилди

Фото: aa.com.tr

Туркиядаги судлар мухолифатчи Фатҳуллоҳ Гуленнинг оқими (FETÖ) тарафдорлари ишини кўришда давом этмоқдалар.

Бугунги кунгача Туркияда Гуленнинг 320 тарафдори 2016 йил 15 июлдаги давлат тўнтарувига уринишдаги иштироки учун умрбод қамоқ жазосига маҳкум қилинди. Улардан 147 нафари жазони қаттиқ тартибдаги турмаларда ўтайдилар.

Судланувчилар орасида катта зобитлар, жумладан генераллар бўлган.

Бундан ташқари, Туркияда тўнтарув куни ҳуқуқ-тартибот идоралари ходимларига исёнчиларга қарши туришга қаршилик кўрсатган ва аҳолини бўйсунмасликка чақирган шахслар судланган.

Шунингдек, собиқ губернаторлар, муниципалитет раҳбарлари, олий таълим муассасалари ректорлари ҳам турли муддатдаги қамоқ жазоларига тортилганлар.