«Қримга сигнал!» - Порошенко Донбасс бўйича қонунга изоҳ берди

Фото: Reuters

Украина президенти Пётр Порошенко Рада томонидан Донбасснинг реинтеграцияси тўғрисидаги қонуннинг қабул қилинишини «Донбасс ва Қрим учун сигнал» деб атади. У бу ҳақда фейсбукдаги саҳифасида ёзган.

«Бу – тегишли қонун учун муҳим сигнал, уни Олий рада менинг ташаббусим билан бугун қабул қилди. Бу – ҳам Донбасс, ҳам Қрим учун сигнал: сизлар Украинанинг ажралмас қисмисиз!» - дея ёзди у.

Унинг сўзларига кўра, Киев «Украинанинг босиб олинган ерлари» реинтеграцияси учун сиёсий-дипломатик усул билан йўл яратишда давом этади.

Эслатиб ўтамиз, аввалроқ Украина Олий радаси иккинчи ўқишда Донбасснинг реинтеграцияси тўғрисидаги қонун лойиҳасини қабул қилгани хабар берилганди.