Қобулдаги меҳмонхона жангарилардан озод қилинди

Фото: Reuters

Қобул шимоли-ғарбидаги тепаликда жойлашган Intercontinental меҳмонхонаси жангарилар қўлидан озод қилинди. Афғонистон ИИВ маълумотига кўра, меҳмонхонадан 126 киши озод қилинган, шундан 41 киши хорижликлардир.

Ушбу ҳужум қурбонлари сони камида 18 кишини ташкил қилди, яна ўндан ортиқ киши жароҳатланган. Айни вақтда ўт ўчирувчилар ҳужум вақти келиб чиққан ёнғинни ўчиришмоқда.

Тўй маросими ўтказилаётган меҳмонхонага бир гуруҳ жангарилар ҳужум қилиб, одамлар гаровга олингач, ҳудудга махсус бўлинмалар етиб келиб, қутқарув амалиёти бошлашди. 10 соат давом этган амалиётдан кейин барча жангарилар йўқ қилинган.

Intercontinental Hotel меҳмонхонасига 2011 йилда ҳам ҳужум қилинган, 9 кишидан иборат жангарилар ҳужуми оқибатида меҳмонхонанинг 12 нафар мижози ўлдирилганди.

Тайёрлаган: Азиз Қаршиев

#меҳмонхона #Кобул