Қонунчилик ижодкорлиги фаолиятини такомиллаштириш концепцияси ишлаб чиқилади

Давлат дастурига асосан 2018 йил 1 августга қадар Қонунчилик ижодкорлиги фаолиятини такомиллаштириш концепцияси ишлаб чиқилади. Бу ҳақда Адлия вазирлиги матбуот хизмати хабар берган.

Бунда:

«ақлли тартибга солиш» моделлари ва қабул қилинаётган қарорлар таъсирини таҳлил қилиш методологиясини жорий этиш;

қонун ижодкорлиги жараёнига замонавий тамойил ва механизмларни (ижтимоий адолат, халқчиллик, жамоатчилик фикрини ўрганиш, очиқлик, самарадорлик ва ҳ.к.) жорий этиш;

қонун ижодкорлигининг замонавий услубларини жорий этиш; 

тўғридан-тўғри амал қилувчи қонунлар қабул қилиш амалиётини кенгайтириш;

идоравий ҳужжатлар қабул қилиш амалиётини босқичма-босқич қисқартириш назарда тутилади.