Молдова Руминия билан бирлашадими? Додон фуқаролик уруши ҳақида гапирди 

Молдова президенти Игорь Додоннинг фикрича, Руминия билан бирлашув фуқаролик урушига олиб келади. Бу ҳақда у маҳаллий телеканалга берган интервьюда маълум қилди. Суҳбатнинг кичик парчаси фейсбукда жойлаштирилган.

«Руминия билан бирлашув фуқаролик урушини англатади. Молдова фуқароларининг бир қисми бунинг учун курашмоқда. Мен президент сифатида Молдова Республикаси давлатчилиги йўқ бўлиб кетмаслиги учун барча қонуний усуллардан фойдаланаман», - дея маълум қилди Додон.

Додон муаммони демократик йўл билан ҳал қилиш учун референдум ўтказиш таклифи билан чиқди, унда фуқаролар ўзлари нимани исташаётган бўлса шуни танлайдилар.

Эслатиб ўтамиз, аввалроқ Молдова конституцион суди президентни яна лавозимидан вақтинчалик четлатгани хабар берилганди.