Жамият | 20:00 / 09.02.2018
59263
1 дақиқада ўқилади

Фарғонада 5 ёшли қизчани ўғирлаб, ўлдиришда гумонланаётган шахс ушланди

Фарғона вилоятида 5 ёшли қизчани ўлдиришда гумондор шахс ушланди. Мактабгача таълим вазирлиги «Kun.uz»га хабар беришича, олиб борилган тезкор қидирув натижасида бугун 9 февраль соат 14.00да гумондор фуқаро О. А. қўлга олинган. Ушбу маълумот Фарғона вилояти ИИББ томонидан ҳам тасдиқланди.

У Фарғона вилояти Қўштепа туманида истиқомат қилади.

Ҳозирда дастлабки суриштирув ишлари давом этмоқда.

Жорий йилнинг 5 февраль куни чамаси соат 16-00 да, Фарғона вилояти Олтиариқ туманидаги 6- мактабгача таълим муассасаси тарбияланувчиси  Ғаффоралиева Кибриёхон Фурқатжон қизи йўқолган ва 6 февраль куни соат 00-20 атрофида Кибриёхоннинг тан жароҳатлари етказилган жонсиз танаси Оқбўйра қишлоғи ҳудудидан топилганди.

Азиз Қаршиев
Тайёрлаган Азиз Қаршиев
Kun.uz янгиликларини Google News'да кузатинг
+ Обуна бўлиш

Мавзуга оид