Обамага оқ кукун солинган мактуб жўнатилди

Фото: REUTERS/ Joshua Roberts

13 февралда АҚШнинг собиқ президенти Барак Обаманинг Вашингтондаги офисига Ҳонгконгдан ичида оқ рангли кукун бўлган мактуб жўнатилган. Шубҳали конверт очилгандан кейин полиция чақиртирилган. Бу ҳақда Fox 5 телеканали хабар берди.

Обама Бутунжаҳон ёввойи табиат жамғармаси биносида офис ижарага олган. Мактуб Ҳонгконгдан жўнатилган ва орт манзили кўрсатилмаган.

Аввалроқ шунга ўхшаш конверт Дональд Трампнинг ўғли ва келини яшайдиган манзилга жўнатилган эди. Трампнинг келини конвертни очгандан кейин эҳтиёт чораси сифатида шифохонага жўнатилган. Таъкидланишича, конвертдаги оқ кукун хавфли бўлмаган.