![](http://storage.kun.uz/source/2/sUoYUiAbzcb-6fIE-RSsAuN3hjK37QH0.jpg)
Фото: EPA
Норвегиялик террорчи Андерс Брейвик ўзи содир қилган хатти-ҳаракатлардан афсусда экани ҳақида биринчи марта маълум қилди. Бу ҳақда Verdens Gang газетаси хабар бермоқда.
Нашр маълумотига кўра, Брейвик ўзи сақланаётган қамоқхона маъмуриятига мактуб билан чиққан. Унда ўз хатти-ҳаракатларидан пушаймон экани ва «фашистлар мафкурасидан» воз кечганини маълум қилган.
Брейвик оммавий қотиллик учун 21 йилга озодликдан маҳрум этилди. 2011 йилнинг 22 июль куни у мультимаданият ва «мусулмонлар бостириб кирганига» протест сифатида 77 кишини ўлдирди.
Эслатиб ўтамиз, аввалроқ Жейсон Борн ҳақидаги фильмлар режиссёри 77 кишини ўлдирган террорчи ҳақида кино суратга олиши ҳақида хабар берилганди.