Jyeyson Born haqidagi filmlar rejissyori 77 kishini o‘ldirgan terrorchi haqida kino suratga oladi

Rejissyor Pol Gringrass norvegiyalik terrorchi Anders Breyvik haqida film suratga oladi, deb xabar bermoqda Deadline. Bu kartinani yaratish huquqi uchun jiddiy kurash kechgan bo‘lib, unda Netflix onlayn-servisi g‘alaba qozondi.

Breyvik ommaviy qotillik uchun 21 yillik qamoq jazosini o‘tamoqda. 2011 yilning 22 iyul kuni u 77 kishini o‘ldirgandi.

Gringrassga keladigan bo‘lsak, u superagent Jyeyson Born haqidagi filmlar bilan mashhur. Xususan, u «Born talabi» va «Bornning ustunligi» kartinalarini suratga olgan.

Ma'lumotlarga ko‘ra, suratga olish ishlari Norvegiyada mahalliy aktyorlar bilan olib boriladi. Byudjyet 20 mln dollarni tashkil etadi. Tayyogarlik shu haftadan boshlanadi, bevosita ijodiy ishlar esa kuzda start oladi.

Nashrning ta'kidlashicha, Gringrass tarixiy faktlar asos qilib olingan shunga o‘xshash qator filmlar ustida ishlagan. Ular ichida – «Qonli yakshanba» (1972 yilning 30 yanvarida Shimoliy Irlandiyada yuz bergan hodisalar, o‘shanda britaniyalik harbiylar irlandiyalar huquqi uchun marshga chiqqanlarni o‘qqa tutgan) va «Yo‘qotilgan reys» (2001 yilning 11 sentabr kuni AQShda terrorchilar tomonidan olib qochilgan va Pensilvaniyada qulagan samolyot haqida) kartinalari bor.

Avvalroq Breyvik ismi-familiyasini o‘zgartirgani xabar berilgandi.