Италия А сериясининг 25-туридан ўрин олган марказий учрашувлардан бири бўлиб ўтди. Унда Туриннинг икки жамоаси ўзаро куч синашди.
«Торино» мезбонлик қилган учрашув тақдирини Алекс Сандро томонидан киритилган ягона гол ҳал қилди. Бразилиялик футболчи бу голи билан «Ювентус»га А сериядаги кетма-кет 9-ғалабани тақдим этди.
Ушбу ғалабадан кейин «Ювентус» очколари сонини 65тага етказиб олди ва турнир жадвалида биринчи ўринга кўтарилди. Ҳозиргача пешқадамлик қилаётган «Наполи» эса ўз ўйинини энди ўтказади.
Италия А серияси
25-тур
Торино – Ювентус 0:1 (0:1)
Гол: Алекс Сандро (33).
Торино: Сиригу, Бурдиссо, Нкулу, Молинаро, Ансальди, Оби (Аккуа, 72), Ринкон, Яго Фальке, Базелли (Ньянг, 55), де Сильвестри (Эдера, 80), Белотти.
Ювентус: Шченсни, Кьеллини, Ругани, Де Шильо, Алекс Сандро, Хедира, Асамоа, Стураро, Пьянич, Дуглас Коста (Дибала, 66), Игуаин (Бернардески, 15; Лихтштайнер, 90).
Огоҳлантиришлар: Де Шильо (65), Молинаро (90).
