Аҳмадбойга қачон ҳукм ўқилиши номаълум қолмоқда 

Жиноят ишлари бўйича Тошкент вилоят судида судья Дилшод Комилов раислигида чинозлик “Аҳмадбой” номи билан донг чиқарган Аҳмаджон Турсунбоев ва унинг 6 нафар жиноий шериклари устидан маҳкама жараёни давом этмоқда. 2017 йил 2 августида бошланган суд мажлисида судланаётганлар ЖКнинг 177-моддаси 3-қисми “а” ва “б” банди (валюта қимматликларини ноқонуний йўл билан олиш ёки сотиш), 188-моддаси (давлат рўйхатидан ўтмасдан тадбиркорлик фаолияти билан шуғулланиб, жуда катта миқдорда назоратсиз даромад кўриш), 189-моддаси (Савдо қилиш ёки хизмат кўрсатиш қоидаларини бузиш), 190-моддаси 2-қисми “а” ва “в” (Лицензиясиз фаолият билан шуғулланиш) бандларида кўзда тутилган жиноятларни содир этганликда айбланмоқда. 

2018 йил 16 февраль куни судланувчиларнинг барчасига судга раислик қилувчи Д.Комилов сўнгсўз имкониятини тақдим этган, шундан сўнг суд маслаҳатга кириб кетган эди. Айрим тахминларга кўра, суд ҳукми 19 февралда эълон қилиниши кутилганди. Аммо ҳозирча, суд ҳукми қачон ўқилиши муддати номаълумлигича қолмоқда.

Youtube'да кўриш

Mover.uz'да кўриш