Туркиялик 17 амалдор Грецияга қочиб ўтди

Фото: Global Look Press

Туркиялик 17 амалдор дамлама қайиқда Грецияга қочиб ўтди. Бу ҳақда Грециянинг politischios.gr сайти хабар бермоқда.

Туркиянинг ушбу барча фуқаролари Грециядан сиёсий бошпана сўраган.

Греция соҳилни қўриқлаш хизмати хабарига кўра, 17 киши Инуссес оролига етиб келган ва кейинчалик Хиосга олиб ўтилган, у ерда эса порт маъмурияти ходимларига топширилган.

«Гап туркиялик давлат хизматчилари ҳамда судья ҳақида кетмоқда. Уларнинг иддао этишича, режим таъқиби туфайли қамалишлари мумкин», - деб ёзади нашр.

Айни дамда туркиялик барча амалдорлар қочқинлар ва мигрантларни рўйхатдан ўтказиш бўйича қабул марказига олиб кетилган.