Рио-де-Жанейрода вазият оғирлашмоқда, энди хавфсизликни армия таъминлайди

Бразилия федерал сенати президент фармонини маъқуллади, унга кўра мамлакат армиясига Рио-де-Жанейро штатида хавфсизликни назорат қилиш функцияси ўтказилди. Бу ҳақда Globo хабар қилмоқда.

Ташаббусни 55 парламентарий қўллаб-қувватлади, 13 нафари қарши чиқди ва бир киши бетараф қолди.

Фармон билан назарда тутилган чоралар хавфсизликни таъминлашга қаратилган бўлиб, жорий йилнинг 31 декабрига қадар амал қилади.

16 февраль куни Бразилия президенти Мишел Темер Рио-де-Жанейро штатидаги ҳуқуқни муҳофаза қилиш кучлари устидан назоратни армияга бериш тўғрисидаги фармонни имзолади. Бу маҳаллий тўдалар ўртасидаги қарама-қаршилик туфайли юз берган зўравонлик ҳолатлари авж олиб кетгани фонида содир бўлди.