Надежда Савченко «катта уруш»ни тахмин қилди

Бир неча йилдан сўнг “катта уруш” юз беради, у нафақат Украина ва Россия, балки Европанинг бошқа давлатларини ўз домига тортиб олади. Бу ҳақда Украина Олий радаси депутати Надежда Савченко ZIK телеканали эфирида маълум қилди.

Парламентарийнинг фикрига кўра, тинчликпарварлик миссияси Донбассдаги қуролли можарога ечим топа олмайди.

"Менинг фикримча, бу ерда иккита йўл бор: тўрт – максимум беш йилдан сўнг бизни катта уруш кутиб турибди, у ерда нафақат Украина, балки Россия ҳамда Европа чегаралари бўлинади. Афсуски, Украина полигонга айланади", - дея тахмин қилган Савченко.

Сиёсатчининг фикрига кўра, воқеалар ривожининг бошқа варианти “Украина, Россияда ҳокимиятнинг ўзгариши ва бошқа кутилмаган йўллар”дир.