Қўшимча функционаллар
-
Тунги кўриниш
Олимпиада-2020 тимсоллари танланди
Токиода 2020 йилда бўлиб ўтадиган ёзги Олимпиада ва Паралимпиада расмий тимсоллари сифатида япон анимеси йўналишидаги ўзгача услубда бўлган шаклчалар танланди. Улар мос равишда кўк ва пушти рангдаги катак-катак безакка эга. Ўйинлар ташкилий қўмитаси ҳузуридаги махсус кенгаш бу қарор ҳақида чоршанба куни маълум қилди.
Кенгаш 11 декабрь – 22 февраль кунлари Япониядаги 16 мингдан ортиқ бошланғич мактаблар ўқувчилари ўртасида ўтказилган овоз бериш натижаларига асосланди. NHK телевидениеси хабарига кўра, Ўйинлар тимсолини аниқлаш бўйича шундай услуб олимпия ҳаракати тарихида биринчи марта қўлланилди.
Танлов доирасида Олимпиада ва Паралимпиада тимсолларининг тахминан икки минг варианти бор эди. Ўтган йилнинг октябрь ойи ўрталарига келиб, улардан учтаси танлаб олинди, улар бошланғич синфлар ўқувчилари муҳокамасига қўйилди.
Эслатиб ўтамиз, Токиодаги Олимпиада 24 июль – 9 август кунлари, Паралимпиада эса 25 август – 6 сентябрь кунлари бўлиб ўтади.
Мавзуга оид
19:40 / 31.05.2026
Токио кўргазмасида игнадан ип ўтказа оладиган робот намойиш этилди
17:15 / 27.04.2026
Токиода давлат хизматчиларига ишда шортик кийишга рухсат берилди
21:21 / 06.04.2025
Аллергия белгиларини енгиллаштиришга ёрдам берадиган табиий модда аниқланди
13:04 / 04.03.2025