Фото: Reuters
Жанубий Корея етакчиси Мун Чжэ Ин КХДР раҳбари Ким Чен Иннинг АҚШ президенти Дональд Трамп билан эҳтимолий учрашувини «тарихий воқеа» деб атади. Бу ҳақда Associated Press хабар бермоқда.
Унинг сўзларига кўра, бу учрашув «Корея ярим оролини ядро қуролидан холи ҳудудга айлантириш йўлига қадам қўйишда жуда муҳим аҳамият касб этиши мумкин».
Аввалроқ Шимолий Корея етакчиси Ким Чен Ин АҚШ президенти Дональд Трампга учрашув ўтказиш таклифини йўллагани хабар берилганди. Трамп Ким Чен Иннинг май ойигача учрашиш таклифига розилик берган. Бу ҳақда Жанубий Корея президентининг миллий хавфсизлик бўйича маслаҳатчиси Чон Ий Ён Трамп билан музокаралардан кейин маълум қилган.
