Озарбойжон президенти лавозимига номзодлар сони 7 кишини ташкил қилмоқда
Озарбойжон Марказий сайлов комиссияси президент сайловларида иштирок этадиган яна 3 номзодни расман қайд қилди. Шу тариқа умумий номзодлар сони 7 нафарга етди.
Янги номзодлар қуйидагилардан иборат: Миллий тикланиш партиясидан Фараж Гулиев, “Замонавий Мусават” партиясидан Ҳафиз Гажиев ва Миллий фронт ташаббускор гуруҳидан Рази Нуруллаев.
Озарбойжон президенти сайловлари 11 апрелда бўлиб ўтади. Аввал амалдаги президент Илҳом Алиев, мустақил номзод Зоҳид Оруж, Ижтимоий демократия партиясидан Араз Ализода ва Ягона миллий фронт партиясидан Гудрат Гасангулиев номзодлар сифатида рўйхатдан ўтказилган.
Бир қатор мухолиф партиялар, жумладан, “Миллий кенгаш”, “Миллий фронт партияси” ва “Мусават” сайловларни бойкот қилишларини маълум қилишган. Сайловолди кампанияси 19 март куни бошланиб, 10 апрелда якунланади.
Мавзуга оид
13:56
Озарбойжонда сув ресурсларидан оқилона фойдаланиш бўйича миллий стратегия қабул қилинди
12:51 / 03.10.2024
Ўзбекистон ва Озарбойжон ўртасидаги товар айланмаси сезиларли тарзда ўсмоқда
23:53 / 30.09.2024
Озарбойжонда ўзбекистонлик ҳарбийлар иштирокида «Маҳорат-2024» қўмондонлик-штаб ўқувлари бошланди
20:16 / 27.09.2024