Интернетда Украина Олий радаси депутати Надежда Савченко тасвирланган видеоёзув пайдо бўлди. Унда Савченко шундай дейди: «Гумбур! Нима қўрқяпсизларми? Улар биздан қўрқади».
«Украинская правда» нашрининг ёзишича, Савченко видеоёзувда Олий рада сессия зали фонида турибди, унинг сўзларидан кейин эса «Надежда Савченко. Украина президентлигига номзод» ёзуви пайдо бўлади.
Эслатиб ўтамиз, аввалроқ Украина президенти Пётр Порошенконинг Олий рададаги вакили Ирина Луценко пайшанба кунги йиғилишда халқ депутати Надежда Савченко иштирокидаги «шокка туширувчи видеони» эълон қилишга ваъда берганди.
