Savchenko ishtirokidagi shokka tushiruvchi video e'lon qilinadi – Poroshenko vakili

Ukraina prezidenti Pyotr Poroshenkoning Oliy radadagi vakili Irina Lutsenko payshanba kungi yig‘ilishda xalq deputati Nadejda Savchenko ishtirokidagi «shokka tushiruvchi videoni» e'lon qilishga va'da berdi. Bu haqda «Pyotr Poroshenko bloki» fraksiyasi saytida xabar qilinadi.

Rada payshanba kuni Ukraina bosh prokuraturasining Savchenkoni jinoiy javobgarlikka tortish, qo‘lga olish hamda hibs qilish bo‘yicha taqdimnomasini ko‘rib chiqadi.

«Pyotr Poroshenko bloki» fraksiyasi barcha uch pozitsiya uchun ovoz beradi – deputatlik daxlsizligini bekor qilish, qo‘lga olish va hibs qilish. Yig‘ilishda sizlarning e'tiboringizga taqdim etiladigan video, butun jamiyatni shokka tushiradi», - deya ma'lum qildi Lutsenko.

Eslatib o‘tamiz, avvalroq Savchenko teraktga tayyorgarlik ko‘rishda gumonlanib hibsga olinishi mumkin ekani xabar berilgandi.