Йирик компаниялар Facebook билан ҳамкорликни тўхтатишни айтиб таҳдид қилмоқда

Реклама берувчилар Марк Цукерберг фойдаланувчиларнинг шахсий маълумотларини тўплаш  билан боғлиқ ҳолатга изоҳ бермаса, Facebook билан ҳамкорликка нуқта қўйиш билан таҳдид қилишди. Британиянинг Daily Mail нашри шу ҳақида хабар берди. 

Facebook уч йирик компания билан ҳамкорликни қўлдан бой бериши мумкин. Шу билан бирга, илгари корпорация акцияларига қизиққан молиявий ташкилотлар ҳам Facebook'га бойкот эълон қилишмоқчи. 

Манбага кўра, истеъмолчи товарлар тарғиботи билан шуғулланувчи ISBA — Британия реклама берувчилар бирлашмаси IT-гигантдан тезкор жавоб талаб қилган. Тахминларга кўра, минглаб фирмалар, шу жумладан Unilever ва Procter&Gamble каби гигантлар ҳам ижтимоий тармоқнинг ноқонуний маълумот тўплагани тасдиқланган тақдирда Facebook билан ҳамкорликдан воз кечиши мумкин. 

M&C Saatchi халқаро маркетинг агентлиги раҳбари Дэвид Кершоу олигополия шароитларида компаниялар тарғиботи барча харажатларнинг 60 фоизи Facebook ва Google'даги эълонларга кетаётганини маълум қилди. Кершоунинг фикрича, бойкотга жазм қилганлар ниҳоят чекланган бозордаги улкан харажатлар билан боғлиқ вазиятни ўзгартириши мумкин.