Россия ТИВ Лондонга сюрприз ваъда қилди

Россия ТИВ расмий вакили Мария Захарова Британия ҳукуматига сюрприз ваъда қилди. Бу ҳақда у «Россия 1» телеканалидаги «Воскресный вечер с Владимиром Соловьевым» кўрсатуви давомида айтиб ўтди, деб хабар қилмоқда РИА «Новости».

Захарова сўзларига кўра, Британиянинг Скрипаль иши бўйича ҳаракатлари мамлакат ҳукумати «дунё миқёсидаги қора пиар» концепциясига ўтганидан далолат беради. Шу билан бирга, унинг таъкидлашича, Россияга қарши ахборот кампанияси яхши даражада ишлаб чиқилмаган.

«Бизда Россияни Учинчи рейх билан таққослашга жазм қилган, бунга бети чидаган барчага сюрприз бор», - дея қўшимча қилиб ўтди Захарова.

Эслатиб ўтамиз, аввалроқ «Би-би-си» телеканали Скрипаль Путинга хат юбориб, кечиришни сўрагани ҳақида хабар берганди. Хабар қилинишича, Скрипаль ўзини сотқин деб ҳисобламаган, сабаби «у Россияга эмас, балки Совет Иттифоқига, социалистик ватанига содиқ бўлиш ҳақида қасамёд келтирган». Айтилишича, Скрипаль Россия президенти Владимир Путинга мактуб юбориб, унда «бутунлай кечириш» ва ватанга қайтиш имкониятини тақдим этишни сўраган.